|
Ne schöne Jrooß (Affjetaut, Tonfilm) 1)
Ahn su 'nem Daach, wo minge Kühlschrank jejähnt hätt,
ming Depris ahn mir klääfte, zähflüssig, vollfett,
ming Breeftäsch leer woor un wo absolut nix ahnliejen däät,
wo ich zom zichste Mohl de Naas vun mir vollhatt,
trotzdämm für alles en Erklärung parat hatt,
noh drei, vier Bier schon ahn dämm Punkt wohr,wo mir nix mieh jet mäht,
daach ich: Verdamp noch mohl, die Grübeltour bringk et nit,
die trick dich raff, die bringk dich runder wie sons nur jet,
die fuck dich aff, bess zo dämm Punkt, wo övverhaup nix mieh klapp.
Dann hängste nur noch römm un zweifels ahn dir
un wirfs dir alles, wat du finge kanns vüür,
bess sujar neidisch op die Type, die du sons nur beduhrs.
Refr.:
Ne schöne Jrooß ahn all die, die unfählbar sinn,
vun nix en Ahnung hann, die ävver, immerhin
su dunn als ob,
weil op Fassade, do stonn se halt drop.
2)
Dä Arivaprofi uss dämm Bausparverein,
rundömjebräunt, met Frau un Pudel doheim,
met singer Einbaukösch, die rustikal ess, ävver dennoch modern,
met singem Rallyestreifen Opel GT,
dä op Wunderbäumche un op Fell-Lenker steht,
dä op Charles Bronson praatjemaate, akkurate Freizeit-Abziehbild-Held,
dä Naach für Naach bess zom Happy End bei ARIVA hängk,
dä veezehn Daach Benidorm paradisisch fingk,
zwei Johr beim Bund wohr, weil ihm Männerkameradschaft jefällt.
Dä freut sich jetz ald op sing Zokunf als Rentner,
op dä Balkon met Liejestohl, denn do pennt er
bess 'e die Löffel affjitt, die 'e selvs ald lang nit mieh hätt.
|
1 |
2 |
3
Thread abonnieren
